10:24, 24 июля 2019, 24.kg
Бишкек мэриясына Эгемендүүлүк күнү салют ордуна бак тигүү сунушталды
Бишкек мэриясына Эгемендүүлүк күнүнө карата салют ордуна бак тигүү сунушталды. Бул тууралуу пикирин укук коргоочу Назгүл Турдубекова социалдык тармакка жазды.
Ал азыркы заманда экологияга зыян келүүчү заттардан жана иш-чаралардан баш тартылып, планетаны сактоо аракеттери көрүлүп жатканын эскертет.
«31-августта баардык шаардыктар биригип, бак тигели. 2 миллион — бул элдин акчасы, аны Ботаникалык бакты сактоого жумшаңыз», — дейт Назгүл Турдубекова.
Белгилей кетсек, Бишкек шаардык мээриясы Эгемендүүлүк күнүн майрамдоого 2 миллион 40 миң сом жумшамакчы.
Анын 500 миң сому салют жана фейерверктерге бөлүнөт.
0
