10:23, 19 июля 2019, 24.kg
Алмазбек Атамбаевдин Кой-Таштагы үйүндө коргонууга даярданууда
Алмазбек Атамбаевдин Кой-Таштагы үйүндө коргонууга даярданууда. Бул тууралуу «Апрель» телеканалынын жетекчиси Дмитрий Ложников Facebook баракчасында билдирди.
Анын айтымында, бүгүн түнү Кой-Ташта 200дөй киши топтолду. Ал эми КСДПнын саясый кеңешинин мүчөсү Кундуз Жолдубаева Алмазбек Атамбаевди кармоо аракети көрүлөрүн билдирди.
«Биздин маалыматтарга караганда 1,5 миң кишиден турган укук коргоо органдарынын өкүлдөрү Алмазбек Атамбаевди кармап кетүү үчүн келишет», — дейт ал.
Кой-Ташта азыр абал тынч.
0
