14:43, 25 октября 2018, 24.kg
Кыргызстан 600 миң тоннадан ашуун айыл чарба өндүрүшүн экспорттоону пландоодо
Бул жылы Кыргызстан 600 миң тоннадан ашуун айыл чарба өндүрүшүн экспорттоону пландап жатат. Бул тууралуу маалымат жыйында Айыл чарба, тамак-аш өнөр жайы жана мелиорация министринин орун басары Эркинбек Чодуев билдирди.
Айтымында, өткөн жылы 500 миң тоннадан ашык айыл чарба өндүрүшү ЕАЭБдин өлкөлөрүнө жана үчүнчү мамлекеттерге экспорттолгон.
«Учурда 400 миң тоннадан ашык өндүрүш экспорттолду. 122 миң тоннадай жашылча, 59,5 миң тоннадан ашык жемиштер, 59,7 миң тоннадан ашык кургатылган жемиштер, 11 миң тоннадан ашуун жаңгак жана бадамдар экспорттолду», — деди ал.
0
