09:15, 19 октября 2018, 24.kg
Ошто тогуз коргоол боюнча мэрдин кубогу өтүүдө
Ошто тогуз коргоол боюнча мэрдин кубогуна 200дөн ашуун спортчулар катышууда. Ал тууралуу каала мэриясы билдирди.
Мелдешке Кыргызстандын 7 облусунан, Бишкек, Ош шаарларынан 200дөн ашуун спортчулар ат салышууда.
Спорттук мелдеш Аймактарды өнүктүрүү жылынын алкагында, улуттук спортту өнүктүрүү жана мыкты спортчуларды тандоо максатында өтүп жатат.
Мелдеш 22-октябрь күнү жыйынтыкталат. Жеңүүчүлөргө Ош шаардык дене тарбия жана спорт комитети тарабынан кубок, медалдар, дипломдор жана баалуу белектер тапшырылат.
0
