15:06, 10 октября 2018, 24.kg
Кыргызстан тышкы карыздагы акчаны өздөштүрбөгөнү үчүн дагы комиссия төлөөдө
Кыргызстан тышкы карыздагы акчаны өздөштүрбөгөнү үчүн дагы комиссия төлөөдө. Бул тууралуу Жогорку Кеңештеги комитетинин жыйынында эсептөө палатасынын төрагасы Улукбек Марипов билдирди.
Анын айтымында, Кытайдын «Эксимбанккына» 4 миллион 622 миң доллар комиссия төлөндү.
«Акча жок, акча жок деп жатабыз, бирок биз акча каражатты өздөштүрбөгөнүбүз үчүн үстөк пайыздын үстүнө кошуп да кайра комиссия төлөп жатабыз», — деди Марипов.
Мындан тышкары ал Кара-Балтадагы таза суу долбоору боюнча тиешелүү адамдардын шалаакылыгынан 50 миң евро бюджеттен кошумча төлөнгөнүн айтты.
0
