13:45, 24 сентября 2018, 24.kg
Бишкек—Нарын—Торугарт унаа жолундагы кырсыкта 1 киши мерт кетти
Бишкек—Нарын—Торугарт унаа жолунун Кызыл-Бел ашуусунда «Пикап» үлгүсүндөгү унаа кырсыкка кабылды. Бул тууралуу Нарын ОИИБдан билдиришти.
Маалыматка караганда, Нарын районуна караштуу Кызыл-Бел участкасында 1969-жылы туулган киши «Пикап» үлгүсүндөгү автоунааны айдап бара жатып жол четиндеги тосмону сүзүп алган. Анын кесепетинен айдоочу катуу жаракат алып, Нарын облустук бириктирилген оорукананын жандандыруу бөлүмүнө жеткирилген.
Жабырлануучу ооруканада эсине келбей каза болду.
0
