Былтыр «Кумтөр» кенинде 17,5 тонна алтын өндүрүлгөн
2017-жылы «Кумтөр» кенинде 17,5 тонна алтын өндүрүлгөн. Бул тууралуу биринчи вице-премьер-министр Кубатбек Боронов «Кумтөр Голд Компани» компаниясынын президенти Дэниел Дежарден менен жолугушуу маалында белгилүү болду.
«Ушул жылдын аягына чейин 2017-жылга салыштырмалуу 2,5 тоннага жакын айырмачылык түзүлөт, бул Кумтөр кенинин, ошондой эле мамлекеттик бюджеттин финансы-экономикалык абалына өз таасирин тийгизет. Буга катар 2018-жылдын экинчи кварталында пландаштырылган көлөмдөн 16 %га аз алтын өндүрүлгөн», — деп кошумчалады Кубатбек Боронов.
Өз кезегинде компаниянын президенти Дэниел Дежарден «Кумтөр» кенинин 2018-жылга чейинки өндүрүштүк көрсөткүчтөрү тууралуу маалымдап, кен казуу боюнча план пландаштырылган убактысына карата эки ай алдыга аткарылганын билдирди.
