10:32, 19 сентября 2018, 24.kg
№ 23565 аскер бөлүгүнүн командири Сапарали Бекмуразаев кызматынан четтетилди
Абадан коргонуу күчтөрүнүн авиабазасында жайгашкан № 23565 аскер бөлүгүнүн командири Сапарали Бекмуразаев кызматынан четтетилди. Бул тууралуу 24.kg агенттигине жеке булак билдирди.
Маалыматка караганда, командир менен бирге анын орун басары Владимир Верещагин дагы иштен четтетилди.
Башкы штабдын басма сөз кызматы бул маалыматты тастыктады. Полковник Сапарали Бекмурзаев жана Владимир Верещагин тергөө аяктаганга чейин кызматтан четтетилди.
Эске салсак, 9-июлда тик учак издөө операциясын жүргүзүп жатып радардан жоголуп кеткен. Түштүк Эңилчек аймагында тик учак кыйроого учурап, катуу шамалдын кесепетинен сол капталына кулап калган. Анда 6 киши жаракат алышкан.
0
