13:53, 05 сентября 2018, 24.kg
Көчмөндөр оюну. Салбуурун боюнча сынакта Кыргызстан 1-орунду жеңип алды
III Бүткүл дүйнөлүк көчмөндөр оюндарынын алкагында маданий жана спорттук иш-чаралар уланууда. Учурда Салбуурундун жеңүүчүлөрү аныкталды. Анда 1-орунга «Оймок» аттуу бүркүтү менен Кыргызстандык ээ болуп, 50 миң сом байгени утуп алды. Бул тууралуу уюштуруучулар 24.kg агенттигине билдиришти.
Кийинки 30 миң сомдук байгени Орусия, 3-орунду Казакстан багындырып, 15 миң сом утуп алды.
Салбуурун оюнунун жүрүшүндө далба ойнотуу боюнча биринчи жана экинчи орундарды кыргызстандыктар, 3-орунду өзбекстандыктар ээлешти. Аталган мелдешке жалпысынан 5 өлкөдөн 19 катышуучу ат салышты.
Мындан тышкары тайган жарыштын жыйынтыгында 1-орунду Бириккен Араб Эмираты, кийинки орундарды Кыргызстан жана Орусия алды.
0
