14:11, 13 августа 2018, 24.kg
Тажикстанда тик учак аскага урунду
Тажикстан Өзгөчө кырдаалдар министрлиги чет өлкөлүк альпинисттерди алып бараткан МИ-8 тик учагы Ляхш (Жергетал) районунун аймагында аскага урунганын кабарлады.
Окуя жекшембиде жергиликтүү убакыт боюнча 16:30да Исмоили Сомони чокусуна чыгып келген альпинисттерди Фортамбек мөңгүсүнө алып бараткан маалда болгон.
Исмоили Сомони Тажикстандагы эң бийик чокулардын бири болуп эсептелет, бийиктиги — 7495 метр.
Айрым ММКлар альпинисттердин арасында Орусия, Беларус жана Испания жарандары бар экенин билдиришүүдө, бирок бул маалыматты расмий түрдө эч ким тастыктай элек.
0
