13:09, 09 августа 2018, 24.kg
«Тамекини жеңил таштоо» аттуу семинар уюштурулат
Бишкекте «Тамекини жеңил таштоо» аттуу семинар уюштурулат. Бул тууралуу 24.kg агенттигине Дем Нур медициналык борборунун наркологу Шайлообек Өмүралиев билдирди.
Анын айтымында, бул демилге аталган борбор тарабынан алгачкы жолу көтөрүлүүдө.
Маалым болгондой, Европа өлкөлөрү чылымга каршы күрөш жүргүзүп, оң натыйжаларга ээ болууда. Учурда АКШда 32 миллион киши тамекини таштагандыгы айтылууда.
Тамекини жеңил таштоо семинары 11-12-августта уюштурулат. Анда теориялык жана практикалык сабактар өткөрүлөт.
Болжолдуу маалыматка караганда, орточо 15 жаштан 80 жашка чейинки жарандар чылым чегет.
Семинарга катышууну каалагандар 0709 363 249 номуруна чалса болот.
0
