16:34, 31 июля 2018, 24.kg
Туннел убактылуу жабылды. Жолго мрамор түштү
Кечээ Төө-Ашуу ашуусунда жүк ташуучу унаадан мрамордун бир бөлүгү түшүп калып, унаа кыймылы үчүн чектөө киргизилген. Бул тууралуу унаа жана жолдор министрлигинин басма сөз кызматы билдирди.
Маалыматка караганда, ДАФ үлгүсүндөгү унаа түштүктөн түндүктү көздөй мрамор жүктөп бара жаткан. Ал туннелдин ичинен жүрүп баратканда кузовдон таш жерге кулап кеткен. Жабыркагандар жок.
0
