15:22, 31 июля 2018, 24.kg
Казакстанда жүк поезди рельстен чыгып кетти
Жамбыл облусунда жүк поездинин вагондору рельстен чыгып кетип, жүргүнчү поезддердин жолу бөгөлдү.
«Казакстан темиржолу» мамлекеттик компаниясы билдиргендей, жүк поезди 31-июль күнү эртең менен Кашкантеңиз-Жастар өтмөгүнүн Мойынты-Шыганак бөлүгүндө рельстен чыгып кеткен. Жабырлануучулар жок.
Жүргүнчү поезддер үчүн жол Астана убактысы боюнча 18:00дө ачылары кабарланууда.
Алдын ала маалыматтарга караганда, жүк вагондорунун рельстен чыгуусуна бир вагондун капталындагы алкагынын сынып кетиши себеп болгон. Окуяны иликтөө үчүн атайын комиссия түзүлдү.
0
