09:41, 23 июля 2018, 24.kg
Москвадагы мигранттар кулинардык чеберчилигин «Ашканада» көрсөтөт
Москвадагы мигранттардын Ишкер айымдар клубу «Ашкана» теледолбоорун алып чыгууда.
Маалыматка караганда, долбоордун коноктору, Россиядагы мигранттардын өкүлдөрү, маек үстүндө дүйнө ашканасынан тамактарды жасап, кулинардык чеберчилигин көрсөтөт.
Телеберүү айына эки жолу Youtube каналына чыгарылат. «Ашкана» Россиядагы кыргыз мигранттары жана жалпы эле кыргызстандыктарга багытталган.
Белгилей кетсек, Ишкер айымдар клубу мигранттар арасындагы дилгир, жеке ишин баштоого ашынган айымдарды колдоо үчүн түзүлгөн.
0
