08:43, 23 июля 2018, 24.kg
Журналист Уланбек Эгизбаевдин сөөгү соттук-медициналык экспертизага жиберилди
Журналист Уланбек Эгизбаевдин сөөгү соттук-медициналык экспертизага жиберилди. Бул тууралуу «Азаттык» маалымдайт.
Алардын маалыматында, маркумдун сөөгү 23-июлга караган түнү Чолпон-Атадан Бишкекке жеткирилди. Экспертиза бүгүн жүргүзүлө баштайт.
Эскерте кетсек, 28 жаштагы журналист 22-июлда Ысык-Көлгө эс алууга барган жеринен сууга чөгүп каза болду. Бүгүн саат 11:00дө Фурманов көчөсү, 12 дарегинде жайгашкан «Азаттыктын» Бишкектеги кеңсесинде Уланбек Эгизбаевди эскерүү жыйыны өтөт.
Уланбек Эгизбаев 1990-жылы 12-февралда Кочкор районунда туулган. 2013-жылы Кыргыз-түрк «Манас» университетинин коммуникация факультетин, 2015-жылы БГУнун саясат таануу багыты боюнча магистратураны аяктаган.
0
