10:28, 13 июля 2018, 24.kg
Кыргызстанда сууга чөгүп каза болгон 2 жарандын сөөгү табылды
Өткөн суткада Кыргызстанда сууга чөгүп каза болгон 2 жарандын сөөгү табылды. Бул тууралуу ӨКМнын басма сөз кызматы билдирди.
Маалыматка караганда, Ош облусуна караштуу Араван каналынан 1991-жылы туулган А.уулу А.нын жансыз денеси табылды. Ошол эле күнү Чүй облусуна караштуу Аламүдүн районундагы эс алуу жайынан 15 жаштагы К. уулу А.нын сөөгү табылды.
Эске салсак, жыл башынан бери 57 киши сууга чөгүп каза болгон. Алардын 38и эркек, 7өө аял, калгандары жаш балдар.
0
