09:16, 13 июля 2018, 24.kg
Москвадагы балдар аянтчасында кыргызстандык аялдын сөөгү табылды
Москвадагы балдар аянтчасында кыргызстандык аялдын сөөгү табылды. Бул тууралуу Россиянын борборундагы кыргыз диаспорасынын өкүлү Улан Кошматов билдирди.
Анын маалыматында, 24 жаштагы Айгерим. А.нын сөөгү 9-июль күнү Хамовники районундагы Пожарск көчөсүндөгү үйдүн короосунан табылган. Айгерим Ош облусунун тургуну, бир баласын өзү тарбиялап келген.
«Окуя боюнча Москва шаарынын Хамовники райондук прокуратура тергөө башкармалыгы иш козгоду», — дейт ал.
Алдын-ала билдирүүлөр боюнча, Айгерим өз өмүрүнө кол салды. Анын сөөгү мекенине жөнөтүлдү.
0
