15:55, 12 июля 2018, 24.kg
Кыргызстандагы жаштардын 12 пайызга жакыны жумушсуз
Расмий маалыматтарга караганда, Кыргызстандагы жаштардын 12 пайызга жакыны жумушсуз. Ал эми эксперттердин баалоосу боюнча алардын саны көбүрөөк −20 пайызга жакын. Бул тууралуу «Класс» коомдук уюмдун координатору Айзат Русланова билдирди.
Аталган уюмдун маалыматы боюнча, өлкө аймагында жумушсуздардын саны 201 миңге жакын. Иш менен камсыз кылуу кызматында катталгандардын саны 86 миң 900 киши.
Билдирүүгө ылайык, расмий түрдө жумуш издеп катталгандардын 60 пайызынын туруктуу иштеген узак мөөнөттүү иштери жок. Алардын арасында жогорку окуу жайынын бүтүрүүчүлөрү бар.
0
