09:52, 10 июля 2018, 24.kg
Жантөрө Сатыбалдиев кан басымынын жогору экенин айтып нааразы болууда
Экс-премьер-министр Жантөрө Сатыбалдиев кан басымынын жогору экенин айтып нааразы болууда. Бул тууралуу «24.kg» агенттигине кыйноолорду алдын алуу боюнча улуттук борбордун башчысы Нурдин Сулайманов билдирди.
Анын айтымында, борбордун кызматкерлери УКМКнын тергөө абагында отурган мурунку аткаминерлердин абалы менен жакындан таанышып кайтышты.
«Жантөрө Сатыбалдиевден арыз түштү. Ал кан басымы жогору болгондуктан, ооруканага которууну суранып жатат. Бирок, тергөө абагынын администрациясы кан басымын калыбына келтирүү үчүн керектүү дарылардын баары берилип жатканын айтышты. Жантөрө Сатыбалдиев болсо бул жетишсиз экенин билдирип, текшерүүдөн өтүшү керек экендигин айтууда», — деди Нурдин Сулайманов.
0
