15:57, 06 июля 2018, 24.kg
Казакстан Астана жана президенттин туулган күнүн белгилөөдө
Казакстанда бүгүн Астананын 20 жылдыгы белгиленүүдө. Мамлекеттик майрам президент Нурсултан Назарбаевдин туулган күнүнө туш келди. Казак лидери 78 жашка чыкты.
2006-жылга чейин Астана күнү 10-июнда белгиленип келген, кийин ал 6-июлга жылдырылган. 2008-жылдан тарта Астана күнү — мамлекеттик майрам, дем алыш күнү болуп бекитилген.
Астана калаасын Казакстанды совет доорунан бери үзгүлтүксүз башкарып келе жаткан Нурсултан Назарбаевдин «перзенти» деп аташат. 1990-жылы 24-апрелде Казак ССР президентти кызматына Казак ССР Коммунисттик партиясынын жетекчиси Нурсултан Назарбаев дайындалган. Ошондон бери ал бийликтен түшө элек. 2015-жылы мөөнөтүнөн мурда өткөн президенттик шайлоодо Назарбаев 97 пайыздан ашык добуш алган.
0
