08:38, 06 июля 2018, 24.kg
Канатбек Исаевдин адвокаттары аны үй камагына чыгарууну өтүнүшөт
Канатбек Исаевдин адвокаттары анын бөгөт чарасын өзгөртүү өтүнүчү менен тергөөчүлөргө жана прокурорлорго кайрылышат. Бул тууралуу «Азаттыкка» анын адвокаты Сергей Слесарев билдирди.
Башкы прокуратура ага Кылмыш-жаза кодексинин 27-беренеси («Кылмышка даярдануу»), 233-беренеси («Калайман башаламандык») жана 295-беренеси («Бийликти күч менен басып алуу же кармап туруу») менен иш козгогон.
Кечээ Бишкектин Биринчи май райондук сотунун судьясы Мирлан Термечиков бул кылмыш ишин кайра тергөөгө жөнөтүү тууралуу чечим чыгарды.
Тергөө толук жана калыс өтпөгөнүн айткан адвокаттар ишти кайра тергөөгө жөнөтүүнү кечээ өтүнүшкөн.
Канатбек Исаев — Жогорку Кеңештин «Кыргызстан» фракциясынын депутаты.
0
