15:35, 02 июля 2018, 24.kg
«Тажик Эйр» авиакомпаниясынын учагы чукул конууга мажбур болду
Москвадан Худжанд шаарына учуп бараткан «Тажик Эйр» компаниясынын учагы шашылыш түрдө «Домодедово» аэропортуна конууга аргасыз болду.
Орусиялык ММКлар учак Рязандын үстүндө учуп баратканда салондо жылчык пайда болгонун жазышты. Бортто 141 киши отурган. Жүргүнчүлөр жабыркаган жок.
«Экипаж аэропортко кайтып келүү чечимин кабыл алган. Белгилүү бир өлчөмдө күйүүчү май коротуу менен учак «Домодедово» аэропортуна ийгиликтүү конду», — деп билдирди Худжанд эл аралык аэропортунун маалымат катчысы Юсуф Маюсуфов.
0
