16:02, 08 июня 2018, 24.kg
№ 27 түзөтүү колониясында 10 киши күрөө тамырларын кесип салышты
№27 түзөтүү колониясында соттолгондордун ичинен 10 киши күрөө тамырларын кесип салышты. Бул тууралуу «24.kg» агенттигине жактоочу Абаз Мамбетакунов билдирди.
Айтымында, 70тен ашуун киши ачкачылык жарыялашты.
«Соттолуучулардын айтымында, аларды ЖАМКтын кызматкерлери кыйнашат. Мындан тышкары колониянын жумушчулары камактагылардан акча талап кылышат. Мамлекеттик кызматтын жетекчилиги арыздарга такыр көңүл бурбагандыктан, ачкачылык жарыялашууда», -деди Абаз Мамбетакунов.
ЖАМКтын басма сөз кызматы 10 кишинин күрөө тамырларын кесип салышы тууралуу маалыматты тастыкташты. Алар билдиришендей, күрөө тамырларын үстүртөдөн кесип коюшкан.
0
