13:54, 07 июня 2018, 24.kg
4 ай ичинде санитардык эреже бузгандарга 632 протокол түзүлдү
Өткөн жылы Бишкекте санитардык-экологиялык эрежелерди бузган тургундарга 2 миллион сомдон ашуун айып пул салынган. Бул тууралуу Санитардык-экологиялык инспекциясынын жетекчисинин орун басары Арсен Айылчыев маалымат жыйында билдирди.
Анын айтымында, жыл ичинде жалпысынан 4 миң 328 эреже бузуу катталып, эскертүү каты жазылган. Буга ылайык 1 миң 639 протокол түзүлдү.
Үстүбүздөгү жылдын 4 айынын жыйынтыгы боюнча санитардык эреже бузгандарга 632 протокол түзүлүп, 957 миң сом айып пул салынды.
«Таштандыны атайын жайларга таштабаган жарандарга 2 миң сом, чарбалык ишкана ээлерине 10 миң сом өлчөмүндө айып пул салынат. Эгер жарандар эреже бузууну кайталаса, айып пулдун өлчөмү 20 миң сомго көтөрүлөт», — деди Арсен Айылчиев.
0
