09:38, 07 июня 2018, 24.kg
Бишкекте «Айтматов ааламы» аттуу көргөзмө-сынак уюштурулат
Залкар жазуучу Чыңгыз Айтматовдун 90 жылдык мааракесине карата жаш сүрөтчүлөрдүн «Айтматов ааламы» аттуу көргөзмө-сынагы өз эшигин ачат. Бул тууралуу «Кыргызпатенттин» басма сөз кызматы билдирет.
Маалыматка караганда, иш-чара «Чыңгыз Айтматовдун туулган күнүнүн 90 жылдыгын белгилөө жөнүндөгү» жарлыкка ылайык уюштурулууда. Анын максаты- жазуучу Чыңгыз Айтматовдун чыгармачылыгын көркөм сүрөт өнөрүндө, заманбап сүрөтчүлөрдүн эмгектеринде чагылдырып жайылтуу болуп саналат.
Көргөзмө 8-июнда саат 11:00дө Гапар Айтиев атындагы Кыргыз улуттук сүрөт өнөр музейинде өтөт. Кирүү акысыз.
0
