10:21, 06 июня 2018, 24.kg
Президент Кытайга мамлекеттик сапар менен жөнөп кетти
Президент Сооронбай Жээнбеков бүгүн Кытайга мамлекеттик сапар менен жөнөп кетти. Бул тууралуу Президенттик аппараттын маалыматтык саясат бөлүмү билдирди.
Маалым болгондой, бүгүн Сооронбай Жээнбеков менен Кытайдын төрагасы Си Цзинпиндин жолугушуусу болот.
Мамлекет башчынын Кытайдагы сапары 8-июнга чейин созулат. Бул анын президент катары алгачкы мамлекеттик сапары.
Иш сапардын жүрүшүндө кыргыз-кытай алакасынын бардык багыттары талкууланары күтүлүп жатат. Эки тараптуу кызматташтыкты бекемдөөгө багытталган 10го чукул документке кол коюлары расмий кабарланды.
0
