09:50, 04 июня 2018, 24.kg
Ош облусунда 8 жашар кызды унаа коюп кетти
Ош облусуна караштуу Кара-Суу районунун Шак айылында жол кырсыгы катталды. Кесепетинен 8 жашар кыз жабыркады. Бул тууралуу «24.kg» агенттигине аталган облустун жол кыймылы коопсуздугун көзөмөлдөө боюнча башкармалыктан билдиришти.
Маалыматка ылайык, кыз жолдон өтүп бара жатканда унаа коюп кеткен.
«Кыз атайын жүргүнчүлөр өтүүчү жерден өтпөй, жолдун берки бетинен каршы тарапка чуркап чыккан. Honda Stream үлгүсүндөгү унаанын айдоочусу унаасын дароо токтотконго үлгүрбөй калган. Бактыга жараша кыз жеңил жаракат алды», -деп билдиришти башкармалыктан.
0
