10:02, 01 июня 2018, 24.kg
Бишкектеги айрым ооруканалардын имараттары оңдоо иштеринен өтөт
Бишкектеги балдар клиникалык ооруканасына капиталдык ремонт жасалат. Бул тууралуу мэриянын капиталдык курулуш башкармалыгынан билдиришти.
Маалыматка караганда, балдар ооруканасынын чатыры оңдоодон өтөт. Ошондой эле, Бишкек травматология жана ортопедия илимий борбору менен № 8 үй-бүлөлүк дарыгерлер борборунун авариялык абалдагы инженердик коммуникациялары алмаштырылат. Буга 20 миллион сом коротулат.
Кошумчалай кетсек, ушул жылы жаңы № 17 үй-бүлөлүк дарыгерлер борбору курулат. Учурда объект боюнча долбоордук иштерге тендер жарыяланды.
0
