11:03, 07 мая 2018, 24.kg
«Бишкек» эркин экономикалык аймагындагы үч ангар өрттөнүп кетти
Аламүдүн районунда жайгашкан «Бишкек» эркин экономикалык аймактан үч ангар өрттөнүп кетти. Бул тууралуу Чүй облустук ИИБнын басма сөз кызматы билдирди.
Маалыматка ылайык, кырсык 7-май түнү, саат 02:20да башталган. Тилсиз жоонун кесепетинен жабыр тарткандар жана каза болгондор жок. Өрттү өчүрүүгө 4 өрт бригадасы, 20 куткаруучу жана 70 милиция кызматкери тартылган.
Тилсиз жоо саат 06:30да толук өчүрүлгөн. Учурда өрттүн келип чыгуу себептери такталууда. Андан тышкары атайын экспертиза дайындалып, тергөө амалдары жүрүп жатат.
0
