11:40, 27 апреля 2018, 24.kg
Хайдаркен сымап комбинаты быйыл 20 тонна сымап өндүрүүнү пландоодо
Хайдаркен сымап комбинаты быйыл 20 тонна сымап, 104 тонна сурма жана 3 миң 450 тонна флюорит казууну пландоодо. Бул тууралуу Тоо-кен жана металлургиялык биримдиктин төрагасы Эльдар Тажибаев билдирди.
Анын айтымында, биринчи жарым жылда ишкана 2 миллион киреше тапкан. Анын эсебинен жумушчулардын айлыгы жана салыктар төлөнгөн.
«Мындай көрсөткүчкө «Северсталь» ишканасы менен биргелешип иштөө боюнча түзүлгөн келишимдин негизинде жетти. 2009-жылы суунун астында калган «Вспомогательная» жана «Западная» шахталарын калыбына келтирүү иштери башталды. Калыбына келтирүү иштерине «Северсталь» 1 миллион доллар бөлгөн. Учурда комбинатта 400 жакын киши эмгектенет, ал эми толук кандуу ишке кирген соң 600 киши иш менен камсыз болот», — деди ал.
0
