12:16, 18 апреля 2018, 24.kg
Баткенде аскерлердин машыгуусу өттү
Баткенде аскердик артиллериялык бөлүкчөлөрдүн батареялык тактикалык машыгуусу өттү. Бул тууралуу
өкмөтүнүн Баткен облусундагы ыйгарым укуктуу өкүлчүлүгү билдирет.
Тактикалык машыгуунун биринчи этабы теориялык негизде, ал эми экинчи этабы практикалык негизде жүрүп, күжүрмөн ок атуу иш чаралары өткөрүлдү. Аскерлер күжүрмөн машыгууда, душман мизин кайтаруугакоюлган талаптарды аткарышып, артиллериялык жөндөмдөрүн жогорулатышты.
Кургактагы аскерлеринин артиллериялык башкармалыгынын башчысы Мирлан Өмүрзаковдун маалыматында бул машыгуу КРнын башкы штабынын 2018-жылга түзүлгөн планынын негизинде өткөрүлдү. Мындай иш чара жылына эки жолу өткөрүлүп турат.
0
