11:55, 13 апреля 2018, 24.kg
Ысык-Көлдө жол кырсыгынан бир киши каза болуп, эки киши жабыркады
Ысык-Көл облусунун Каракол шаарында катталган жол кырсыгынан бир киши каза болуп, эки киши жабыркады. Бул тууралуу ӨКМнын басма сөз кызматы билдирди.
Маалыматка ылайык, кырсык 13-апрелде саат 03:24 чамасында катталган. "Ауди100"үлгүсүндөгү унаа Токтогул көчөсүндө жайгашкан тосмону бузуп өтүп, бакты сүзгөн.
Жол кырсыгынан айдоочу 1991-жылы туулган, И.К., жүргүнчү 1996-жылы туулган Д.Б. жаракат алышкан жана бир кыз каза болгон. Каза болгон жарандын өздүгү тактала элек.
Куткаруучулар маркумдун сөөгү ИИМ кызматкерлерине тапшырып, жаракат алган кишилерди Ысык-Көл облустук ооруканасына өткөрүп берген.
0
