16:56, 03 апреля 2018, 24.kg
Былтыр маршруттук таксилердин катышуусунда 626 кырсык катталган
Былтыр маршруттук таксилердин катышуусунда жалпы 626 кырсык катталып, 63 адам каза болгон. Бул тууралуу парламенттин Транспорт, коммуникация, архитектура жана курулуш комитетинин отурумунда маалым болду.
Маалыматка ылайык, маршруттук таксилердин катышуусунда катталган жол кырсыгынан 1164 адам жабыркаган.
Өз кезегинде депутат Махабат Мавлянова көпчүлүк учурда маршруттук таксилер жол эрежесин сактабай жатканын баса белгиледи. Депутат жылына эки жолу айдоочулук деңгээлин текшерүү үчүн тест алып турууну сунуштады.
Ал эми мэриянын маалыматына ылайык, 2017-жылы Бишкектен маршруттук таксилердин катышуусунда 252 жол кырсыгы катталып, 2 адам каза болгон.
0
