11:15, 16 марта 2018, 24.kg
«Саякбай» тасмасы Казанда Түрк тасмалар фестивалында көрсөтүлөт
«Саякбай» тасмасы Казанда Түрк тасмалар фестивалында көрсөтүлөт. Бул тууралуу Кинематография департаменти билдирди.
Маалыматка ылайык, Түрк тасмалар эл аралык фестивалы 21-25-март күндөрү Татарстанда өтөт.
Иш-чаранын ачылыш аземи Нооруз майрамы күнү болот. Фестивалдын программасына режисер Эрнест Абдыжапаровдун «Саякбай» тасмасы дагы киргизилген. Тасма 22- мартта көрсөтүлөт.
Улуу манасчы Саякбай Каралаевдин өмүрүн жана чыгармачылыгын чагылдырган «Саякбай» көркөм тасмасында 20-кылымдын Гомери аталган манасчынын бейнеси сүрөттөлөт. Аталган тасма эл аралык Монреал кинофестивалында «мыкты инновациялар үчүн» категориясында «Алтын Зенит» сыйлыгына дагы арзыган.
0
