10:20, 05 марта 2018, 24.kg
Рита Карасартова: Президенттин cөзүн колдоп митингге чыктык
Жогорку Соттун алдында митинг өтүп жатат. Анын уюштуруучуларынын бири укук коргоочу Рита Карасартованын айтымында, митинг президент Сооронбай Жээнбековдун жемкорлукка каршы күрөшүн колдоого багытталган.
«Сооронбай Жээнбеков Коопсуздук Кеңешинин жыйынында жемкорлук менен күрөшүүгө эрки жетерин айтты. Биз аны колдоп «жемкорлуктан тажадык» деп айтабыз. Президенттин сөздөрү ишке ашышын каалайбыз» — деди Рита Карасартова.
Укук коргоочу, жемкорлукка баткан, саясый буйрутманы аткарган, акыйкатсыз чечимдерди чыгарган соттордун тизмеси түзүлүп аларды кайра сот тутумуна дайындабоо сунушу менен өлкө башчысына жөнөтүлөрү айтылды.
Бүгүн соттордун кесиптик майрамы.
0
