10:10, 28 февраля 2018, 24.kg
Санжар Мукамбетов Жогорку Кеӊеште ант берди
Жогорку Кеӊеште вице-премьер-министр Санжар Мукамбетов ант берип, өз ыйгарым укуктарын расмий түрдө аткарууга киришти. Ант берүү аземине президент Сооронбай Жээнбеков катышты.
Белгилей кетсек, Санжар Мукамбетов мурдагы вице-премьер-министр Толкунбек Абдыгуловдун ордуна дайындалган. Ал эми Абдыгулов Улуттук банктын төрагасы кызматтын аркалоодо.
Жогорку Кеӊештин төрагасы Дастанбек Жумабеков жалпы депутаттардын атынан Санжар Мукамбетовду ант берүү аземи менен куттуктап, анын ишинде ийгиликтерди каалады.
Эске салсак, «Кыргыз Республикасынын өкмөтү жөнүндө» мыйзамдын талабына ылайык, өкмөт мүчөсү парламентте ант бергенден кийин өзүнүн ыйгарым укуктарын расмий түрдө аткарууга киришет.
0
