11:02, 13 февраля 2018, 24.kg
Аба-ырайы: Кар жаап, жолдор тоңот
14-февралдан 18-февралга чейин туруксуз аба-ырайы күтүлөт. Бул тууралуу Өзгөчө кырдаалдар министрлиги маалымдайт.
Маалыматта, 14-февралда түнкүсүн Чүй, Талас, Ош, Жалал-Абад, Баткен облустарынын айрым жерлеринде кар жаашы айтылат. 15-16-февралда Ош, Жалал-Абад, Баткен облустарынын айрым жерлерине катуу кар түшөт.
17-18-февралда:
Чүй өрөөнүндө түнкүсүн −7...-12, күндүз −1...-6°;
Талас аймагында түнкүсүн −8...-13°, күндүз −2...-7°;
Ош, Жалал-Абад, Баткен облустарынын дыйканчылык аймактарында түнкүсүн −3...-8°, күндүз 2°;
Ысык-Көл ойдуңунда түнкүсүн −8...-13°, күндүз 0...-5°;
Нарын облусунун дыйканчылык аймактарында жана тоолуу райондордо түнкүсүн −18...-23°, күндүз −9...-14°.
0
