16:38, 06 февраля 2018, 24.kg
Бишкекте эмделбеген балдарды бала бакчага кабыл албоо сунушталды
Эмдөөдөн өтпөгөн балдарды бала бакча жана мектепке кабыл албоону Бишкек шаардык кеңештин жыйынында депутат Валентина Лисниченко көтөрдү.
Анын айтымында, кескин чараларды көрүү менен гана шаар тургундарын эмдөөгө тартууга болот.
«Айрыкча бала бакчага кабыл албоо керек. Анткени, ал жерде ооруу башка балдарга дагы жугуп калышы мүмкүн. Жыл санап эмдөөдөн баш тарткандардын саны өсүүдө. Калган балдары коргоо керек» — дейт ал.
Мамлекеттик эпидеомологиялык көзөмөл департаментинин башкы даарыгери Артур Буюкляновдун айтымында, мындай маселе аймактар дагы курч. Айрыкча түштүк аймагы эмделбеген балдардын саны боюнча алдыда.
0
