11:55, 09 января 2018, 24.kg
Чукул билдирүү: кар жаап, муз тоңот.
11-12-январда айрым аймактарда кар жаайт. Бул тууралуу Өзгөчө кырдаалдар министрлиги кабарлады.
Алардын маалыматында, Чүй, Талас, Ош, Жалал-Абад жана Баткен облустарында ызгаардуу суук түшөрү күтүлөт.
Жолдорго муз тоңуп, тайгалак болот. Ошол күндөрү батыштан соккон шамалдын ылдамдыгы секундуна 17-22 метрге чейин жетет.
Чүй, Талас жана Ысык-Көл облустарында түнкүсүн −12, Ош, Жалал-Абад, Баткенде −8, Нарында −23 жана бийик тоолуу аймактарда −32 градуска чейин суук болот. Өзгөчө кырдаалдар министрлиги 11-12-январдагы суукка байланыштуу жарандарды сак болууга чакырат.
0
