Москва Душанбеге аскердик техникаларды берди
Орусия Тажикстандын куралдуу күчтөрүнө кезектеги аскердик-техникалык жабдууларды берди.
Тажикстандын Коргоо министрлигинен кабарлашкандай, курал-жарактарды берүү аземи 19-декабрда Вахдат шаарындагы аскер бөлүктө өттү. Орусиянын Коргоо министрлиги Т-72Б1, БТР-80 жана БТР-70, БМП-2 танкаларын, Ми-24 менен Ми-8 тик учактарын, зениттик түзүмдөрдү, брондолгон техникалардын тетиктерин, топографиялык жабдууларды жана ок атуучу курал-жарактарды жөнөткөн.
Аскер техникалары тажик-ооган чек арасындагы террордук коркунучтарга каршы турууга багытталган жана кайтарымсыз негизде берилүүдө.
Орус эксперттери белгилегендей, Орусия 2012-жылы Тажикстанга тик учактарды берүү боюнча келишимге кол койгон. Москва орус аскер базалары жайгашкан Тажикстан менен Кыргызстандын коргонуу мүмкүнчүлүктөрүн бекемдөө үчүн 70 миллиард доллар бөлүүгө милдеттенме алган.
