13:48, 19 декабря 2017, 24.kg
«Мамлекеттик жөлөк пул» боюнча жаңы мыйзамдын аткаруу мөөнөтү жылдырылат
Өкмөт «Мамлекеттик жөлөк пул» жаңы мыйзамдын күчүнө кирүү мөөнөтүн 1-апрелге чейин жылдырууну сунуштоодо. Бул боюнча мыйзам долбоор парламенттин кароосуна сунушталды.
Өкмөт ар төрөлгөн балага 4 миң сом сүйүнчүнү 1-январдан тарта берүүгө даяр.Негизинен 3 жашка чейин жана 3 баладан тарта жөлөк пулду төлөө мөөнөтүн жылдыруу сунушталат.
Кечээ парламентте аталган мыйзамды 1-сентябрга чейин жылдыруу зарылдыгы айтылды.
Эскерте кетсек, 1-январдан тарта «Мамлекеттик жөлөк пул» жөнүндөгү мурдакы мыйзам күчүн жоготуп, жаңысы күчүнө кирмек. Ага ылайык мамлекеттен колдоо үй-бүлөлүк кирешесине карата эмес, баласынын санына жараша бериле баштайт.
0
