Дин боюнча суроолорго жооп. Радикалдуу топтордон оолак болуу жолу
«24.kg» агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.
Суроо: Менин 20 жаштагы уулумдун жаңы тааныштары пайда болду. Ал өзү негизинен өтө эле кишиге жакын эмес, көп сүйлөбөйт. Жума намазда бир киши менен таанышыптыр. Ал кайра-кайра балама телефон чалып, кат жазат. Жаңы достору уулумду Түркияга даватка чакырыптыр. Баары эле жөн жерден эмес, шек санап жатам. Кантип алар менен уулумдун байланышын үзсөм болот? Бирок, андан кийин балам мага таарынбагандай болсо.
Жооп: Сиздин уулуңуздун жаңы достору ал жөнүндө жакшы билишет. Таалуу жерлерин да тартып көрүшкөн окшойт.
Бул жерде кеп анын тааныштарында эмес, балаңызда жана сиздин ага мамилеңизде. 20 жаштагы бала өзү чечим кабыл ала алат. Жаңы тааныштары менен сүйлөшүүгө тыюу сала албайсыз. Андан көрө аны колдоп, жакшы жакка шыктандырып, келечектеги пландарын талкуулап, өз алдынча туура чечим кабыл алууга үйрөтүңүз. Ошондо ал өзү жаман менен жакшыны айырмалап, ал үчүн зыяндуу кишилерден алыс болот.
