12:40, 16 ноября 2017, 24.kg
Ысык-Көлдө айылдашын өлтүргөндөр кармалды
Ысык-Көл облусунун Кашат айылында орун алган адам өлтүрүү фактысынын бети ачылды. Бул тууралуу облустук ички иштер башкармалыгы маалымдайт.
19-октябрда Кашат айылынын үйлөрүнүн биринин алма багында 26-жаштагы ушул эле айылдын тургунун киши колду болгон өлүгү табылат. Иликтөөнүн жыйынтыгында, кылмышка шектелип, ушул эле айылдын тургундары 40-жаштагы К. Асанбек жана 31-жаштагы А. Алтынбек кармалды.
ИББсынын билдирүүсүндө, алар күнөлөрүн моюннуна алышты.
Шектүү катары кармалышкан адамдар Ысык-Көл РИИБнүн убактылуу-кармоочу жайына киргизилди. Тергөө иштери уланууда.
0
