Анастасия БЕНГАРД
16:59, 10 ноября 2017, 24.kg
Өкмөт Жол кайгуул кызматынын аталышын өзгөртөт
Жол кайгуул башкы башкармалыгы жоюлат. Бул тууралуу бүгүн өкмөттүн жол кырсыктары боюнча жыйынында премьер-министр Сапар Исаков билдирди.
Анын айтымында, Жол коопсуздугун камсыз кылуу боюнча башкы башкармалык түзүлөт.
«Анын баары азырынча сыр, андыктан көп маалымат бере албайм», — деди өкмөт башчысы.
Белгилүү болгондой, жаңы мекемеге жаңы кызматкерлер ишке алынат. Аларга ар бир аймак бөлүнүп берилип, жоопкерчилиги күчөтүлөт.
Эскерте кетсек, Жол кайгуул кызматы 2016-жылы түзүлгөн.
0
