Чоң Чүй каналына түшүп кеткен уунадагы айдоочу жана 6 жаштагы уулу набыт болду
Чоң Чүй каналына түшүп кеткен уунадагы айдоочу жана 6 жаштагы уулу набыт болду. Бул тууралуу Өзгөчө кырдаалдар министрлиги кабарлайт.
Маалыматта кечээ, түнү 21:00 чамасында ГЭС-5 жана Жер-Казар айылдарынын ортосунда Чоң-Чүй каналына мамлекеттик № Е 60-20 S «ПЕЖО» үлгүсүндөгү унаа түшүп кеткендиги боюнча кабар түшкөндүгү айтылат.
Куткаруучулар келгенге чейин айдоочунун жубайы (1977-жылы туулган Т. Р.), уулу (1999-жылы туулган Т. И.) жана кызы (2012-жылы туулган Т. А.) эч кандай жаракат алышпай, унаадан өздөрү чыгып кетишти. Кырсыктын кесепетинен айдоочусу 1975-жылы туулган Т.Т. жана уулу 2011-жылы туулган Т.Н. окуя болгон жерде каза болду. Куткаруучулар унааны суудан чыгарышып, унаанын ичиндеги каза болгон адамдардын жансыз денелерин ИИМнин кызматкерлерине өткөрүп беришти.
