14:13, 24 октября 2017, 24.kg
Казакстандын жана Кыргызстандын өкмөт башчылары Ереванда жолугушат
Сапар Исаков бүгүн Арменияда казак премьер-министр Бакытжан Сагинтаев менен сүйлөшүү өткөрөт.
Буга чейин маалым болгондой, казак-кыргыз өкмөт башчылары жол картасын талкуулашат.
Белгилей кетсек, 18-октябрда Астанадагы жолугушууда Сапар Исаков менен Бакытжан Сагинтаев чек арадагы кырдаалды жөнгө салуу үчүн атайын жумушчу топ түзүп, аларга беш күн ичинде жол картасын түзүүнү сунушташкан.
Казакстан 10-октябрдан бери Кыргызстан менен чек арасын кайтарууну күчөтүлгөн тартипке өткөрүп, өткөрүү бекеттеринде текшерүүнү катууланткан. Азыр элдер менен жеңил уунаны өткөргөнү менен дагы эле жүк ташуучу унааларга жол жабык.
0
