11:45, 15 октября 2017, 24.kg
Сооронбай Жээнбеков туруктуулук жана реформалар үчүн добушун берди
Президенттикке талапкеп Сооронбай Жээнбеков Бишкек шаарындагы № 1327 шайлоо тилкесинде добуш берди. Ал журналисттерге «өлкөдөгү тынчтык, туруктуулук жана реформалардын уланышы үчүн» добушун бергендигин билдирди.
Талапкердин айтымында, шайлоого айыгышкан күрөш жүрдү.
«Баардык талапкерлерге бирдей шарт түзүлдү. Күрөш катуу болду. Бирок, башынан эле элдин колдоосуна ишенгенбиз. Андыктан, жеңиш дагы биз тарапта болот деп ойлойбуз» — деди Сооронбай Жээнбеков.
0
