Кыргызстанда карылардын көпчүлүгү неберелерин кароо менен алек
Кыргызстанда ар бир төртүнчү 75 жаштан ашкан чоң-эне жана чоң-ата аптасына беш жолу неберелерин кароо менен алек. Бул тууралуу «Кыргызстандын кары-картаңдары» жөнүндөгү изилдөөнүн жыйынтыгында айтылат.
Изилдөөдө маалымдалгандай, алар чогуу жашабаган неберелерине күнүнө барып, кам көрүшөт.
«Карылыктын башында (50-54 куракта) алар үй жумушунун көпчүлүк бөлүгүн аткарышат. Коммуналдык акынын 90 пайызын төлөшөт жана азык-түлүктүн 83 пайызын сатып алышат жана чогуу эс алуу үчүн 76 пайыз чыгымды көтөрөт. 80 жаштан ашкандар арасында дагы үй жумушунун төрттөн бир бөлүгүн аткаргандар бар», — деп баяндалат.
Изилдөө жүргүзгөн топтун айтымында, Кыргызстанда айрым айылдарда жалаң кары-картаңдар жана жаш балдар жашайт.
«Дүйнө салган кишини жере бере турган адам жок айылдар дагы бар» - деп айтылат.
