Сот Аида Салянованы күч менен отурумга алып келүүнү буйруду
Ленин райондук соту Кубанычбек КасымбековЖогорку Кеңештин депутаты Аида Салянованы күч менен сотко алып келүү өтүнүчүн колдоду.
Аида Саляновага каршы козголгон кылмыш иши боюнча соттук териштирүү уланууда. Бүгүн эртең менен соттун башталышында депутат кызы ооруп жатканын айтып, отурумду кийинкиге жылдырууну сунуштаган.
Анын өтүнүчүн сот канааттандырган эмес. Түшкү тыныгуудан кийинки сотко Аида Салянова келген жок. Мамлекеттик айыптоочу аны күч менен алып келүүнү сунуштап, аны сот колдоду. Бирок, аягында эртеңкиге чейин тыныгуу жарыяланды.
Эскерте кетсек, мурдакы Башкы прокурор Юстиция министрлигин жетектеген кезде юрист Алексей Елисеевдин жактоочулук лизенциясын мыйзамсыз түрдө узартып берген деп айыпталууда. Аида Салянованын билдирүүсүндө, жактоочулук лизенциясы Елисеевге кылмыш иши козголгонго чейин узартылган. Ал министр катары эч бир мыйзамдын чегинен чыкпагандыгын айтып келет.
