09:32, 28 августа 2017, 24.kg
«Сентярь» телеканалы атын «Жалбырак ТВга» өзгөрттү
«Сентябрь» телеканалы атын «Жалбырак ТВга» өзгөрттү. Телеканал интернет аркылуу ишмердигин уланта бермекчи.
Башкы прокуратура мурда Жалал-Абад шаарында чыгып турган оппозициялык маанайдагы "Сентябрь" каналында КСДПнын өкүлү, буга чейинки өкмөт башчы Сооронбай Жээнбековдун аброюна шек келтирген маалымат жарыяланган деген негизде аталган каналды жабуу өтүнүчү менен сотко кайрылган.
Көзөмөл органынын даттануу арызында 2016-жылдын 29-сентябрында телеканалдын түз эфиринде сүйлөгөн Абдылда Капаровдун сөзү экстремисттик маанайда экени жүйө келтирилген.
Бишкектин Биринчи Май райондук соту 22-августта мунун негизинде "Сентябрь" телеканалынын жана сайтынын ишмердүүлүгүнө тыюу салган. Судья Жылдыз Жумабаева чечим дароо күчүнө кирерин билдирген.
181
